قصايد باسماء الشباب

°° أحمد °°
أحمد ابن العرب ابن الأصول
من عرفته أحمد الله والظروف
لي جمعتني بحلو الطبايع والوصوف
لا حرمني ربي من هالقلب العطوف
°° بدر °°
بدر شوفتك تخلي الواحد ينبهر
لا مر طيفك كلن صوبك نظر
ارتسم فيك الزين بأحلى الصور
أشهد إن قدرك غير عن كل البشر
ويل من حبك صار قلبه في خطر
°° جاسم °°
بحبكم صار القلب هايم
مزيون ولو توك من النوم قايم
ميزك ربي بالعقل الفاهم
عسى دربك من الخطا سالم
°° جابر °°
جيتك تشرح الخاطر
شوفتك تبهج الناظر
جبرت القلب يا جابر
°° حمد °°
حمد بدنيتي إنت عون وسند
شرواك ما شفت في هذا البلد
ما ألوم القلب في حب هالولد
الحلا والزين .. كله فيه انوجد
العين من شوفته ما تشبع أبد
وفي الفؤاد منزلته ما مثلها أحد
°° حسن °°
عشقت حرف الحاء من بد الحروف .. كل ما نطقت الحرف اشرق في حلاه
اتجمعت في شخصه أحلى الوصوف .. متفرد بالحسن وقلبي عايش في هواه
طبعه سموح .. قلبه عطوف .. وبين الناس دومه عالي مستواه
°° خالد °°
يا من حبه بقلبي خالد
بدونك أحس إني للكثير فاقد
السعاده والرضا أنا منك رايد
من عرفتك وأنا للرب حامد
يحفظك ربي من كل حاسد
°° خميس °°
أحلى ونيس في وحدتي
خير جليس في دنيتي
بشوفتك تكبر فرحتي
°° زايد °°
حبك في قلبي زايد
سلمك ربي من شر الحسايد
لو بوصف لو بقول ما توفيك القصايد
عالي الشأن وفي الشهامه دوم لك عوايد
°° سعيد °°
حظ من هو ببالك يا سعيد
دمك خفيف .. طبعك عنيد
حسنك وأبدع صورتك رب العبيد
عساك دايم مهتني وسعيد
°° سلطان °°
حكمك عالقلب سلطان
يا أحلى وأروع إنسان
غلطان من يكرهك غلطان
ولي ماعرف قلبك خسران
°° صلاح °°
ميزك ربي بالوسامه والصلاح
وأنعم عليك بالوصايف الملاح
قربك فيه السعاده والارتياح
عساك دايم ف مسره وانشراح
وفقه يا رب واكتب له الفلاح
°° عمر °°
ويااااك ابتدى أحلى عمر
قربك نساني معنى السهر
كريم في عطاءك مثل النهر
منزلتك غير عن باقي البشر
ف قلبي حبك عايش عطول الدهر
°° علي °°
على هونك على قلبي يا علي
وش حيلتي لي قلتلي بين رمشك مسكني
يا علي دومه قدرك بين الناس معتلي
يا عساك دوم في سعاده مهتني
°° عبدالله °°
عبادي يا ولد بلادي
حبوب وطبعك هادي
كول وكل شي عندك عادي
وفي القلب قدرك عالي
°° عبدالكريم °°
طبعك كريم يا عبد الكريم
عطوف وبغيرك دومك رحيم
عقلك كبير وتفكيرك سليم
وفوق كل هذا وسيم
°° فهد °°
فهد شرواك للحين ما نولد
حلو الكلام والفعال شهم الطبايع يا ناس هذا فهد
حنون في قسوته مثله ما شفت أحد
سلمك ربي من العين ومن شر الحسد
°°محمد°°
محدن شراتك يا محمد من البشر
يكفي اسمك الغالي .. اسم أغلى البشر
حبكم السامي في القلب والروح انحفر
وقدركم العالي يبقى ع طول الدهر
°° مبارك °°
حيرتني يا مبارك في صفاتك
متميز في حلاتك ويعجبني سمارك
ينشرح البال لي وصلني سلامك
وما أعذب الحروف يوم تصدر من شفاتك
عساك تعيش متهني وسعيد فحياتك
°° مانع °°
للخير دومك فاعل وللشر دومك مانع
من شفاتك كل خير سامع
في حياتك تسعى لكل نافع
عساك للراس دايم رافع
°° ناصر °°
علي بعدك أنا صابر
ولشوفتك بظل ناطر
في القلب دومك حاضر
يسعدك ربي يا ناصر
°° وليد °°
يا رفيع الشأن يا وليد
يعل عمرك دايم مديد
لا تبتعد عني بعيد
بدونك أظل عايش وحيد

الله يعافيك

وين راح اسمي ؟؟



ايش التحطيم دهـ يا قدعان


غرامك تراني زعلان

هههههههههههههه

مره الثانيه إن شاء الله

يسلموو على المرور

الله يعطيك العافيه

°° فهد °°
فهد شرواك للحين ما نولد
حلو الكلام والفعال شهم الطبايع يا ناس هذا فهد
حنون في قسوته مثله ما شفت أحد
سلمك ربي من العين ومن شر الحسد

يسسلمو قلبوو

ونعم والله في فهيداان

هههههههههههه